一間公司, 到底要點先可以留倒員工o既心
我未做過management grade, 又未夠資格去manage 一間公司
但係我係一個員工, 我覺得老闆應該咁做, 我地d staff 會受, 會舒服
1. 知人善用!! - 人有好多種...有d 人得過且過, 有d 人就算老闆冇比壓力永遠做足100分....我有自知之明, 我未做足100分....雖然係咁, 我對得住自己, 對得住人地....
既然有d 人會得過且過...o個d 人唔應該留o係度....咁樣先合乎公司o既經濟效益....更何況, 如果o個d 人懶唔做o野就有得佢...你比錢請佢返o黎, 係要做一d 對公司有益o既o野!!
2. 分工要公平!! - 老闆唔能夠將工作不公平地堆積o係某幾個同事身上....有d 人坐o係度un un 腳, 有d 人就做到仆晒街....點解唔可以分好d!!??
3. 不能同酬不同工!! - 又係做成唔公平o既形勢....
4. 做老闆o既, 絕不能太計較!! - 老闆計較, 員工一定比老闆更加計較....
5. 量力而為!! - 老闆所想出o黎o既所謂計劃, 千萬唔可以比o係天上摘星星仲要難...老闆set 到target太高...只會令員工抱怨; 當員工一抱怨, 咪駛旨意員工會做得好.....
我想到就寫....因為我覺得依o家o係度做, 唔係太開心, 以上o既o野....大部份我都受緊....除o左carman 同阿軒會明白.....
可能有人覺得我仲唔識諗, 每次都係遇到唔如意就想逃避...但係我覺得, 當我o係一個咁唔公平o既環境做o野....我點會可以全心全意去做....
當我好努力...其他人o係度坐....佢地逗o既人工同我同level 甚至高我過....我會有可能做得開心咩??
