07/jun
今天竟然早了一小時醒了....然後還要刷完牙, 洗完頭才知道....= =" 傻了....
之後決定濕著頭....再多睡一小時....
到八時....哥哥就跟我說"黑雨啊~~"
haha....休息了...不用上班....
到下午二時多....您打電話給我說三點半先接我入大埔....
過了一會兒...您又msn 對我說您跟偉先到青衣接alice...因為來往機場的一條路都水浸得好嚴重....
水位更高達七人私家車的車頂.....好犀利.......
大約四時半...您到我樓下.....
先入大埔....更拿了粽子到您家.....
到達您家不久....又跟alice 車到九龍塘& 奧海城....準備他們婚禮的點滴....
七時半....終於到尖沙咀....
說說笑....好快就吃完可以回大埔....
睡前....我鼓起勇氣...對您說.....
我: 不如由星期一開始, 一個月...我地唔好見面, 唔好msn, 唔好傾電話....睇下您會唔會掛住我...如果您會掛住我...您先搵返我啦....
您: 唔得...點解? 做乜要我放生妳一個月?
我: 唔係放生我呀....係我想您諗清楚到底您仲會唔會掛住我....
您: 妳鍾意o左第個呀??
我: 唔係呀...點會係我鍾意o左第個....我只係想您諗清楚.....
然後您生我氣....以為我見異思遷.....但其實不是這樣....
過了一會兒....我想哄回您...但您不讓我哄您.....
我開始哭了...我對您說....因為我現在真的不覺得您緊張我...
由上次對您說過之後....您都沒有改變過.....
您只說您甚麼都不知道....您連我不開心都不知道.....
我真的很難相信....您還愛我.......
我一直哭.....不過, 您都沒有哄過我....
都不知道哭了多久...我只知道是很久很久.....
哭得好累....您拿了廁紙給我.....
那時我越覺委屈....哭得更厲害........
您終於都哄我了......您說: 對唔住啦....之前我咁對您係我唔o岩....我唔再唔理你啦....但你都唔可以拎呢d o黎玩格....
我解釋說: 我唔係玩呀.....我想您諗清楚咋嘛....如果您真係鍾意我....您就唔會咁對我...又唔會唔知您應該點對我.....
之後....您就抱著我....大家都睡了.......
08/jun
今早起床(已經是二時左右, 可能因為昨晚哭累了....:P)
然後就去買kfc 吃....吃完陪您洗一洗車....真的只是陪您....
因為當時我餵豆豆...玩豆豆...還見倒好多好多吸血蟲在豆豆身上....
只是肉眼看...已經有五粒在牠的頭上....好可憐啊....
我當然不敢幫牠捉蟲蟲...我更連摸牠都不敢啊....
之後...小豆豆在身上掃了兩隻已吸飽血的蟲蟲出來.....
您把一隻掉了上樹林....另一隻....我不小心踩爆了.....
裡面全都是血.....好恐怖.....@@"
五時四十五分....就回沙田吃飯....是預祝父親節的聚會....
還有小皮皮....不停kiss kiss 和hug hug....
吃完...十一時....就回大埔....順路還載e 仔一家回家....
洗完澡....馬上睡覺.....
09/jun
端午節後補假一天....原本您想二時起床....
我不准...拉您回床上睡....其實是傾計....
我要您陪我傾的....又是結婚...生bb 的問題....
生女先?? 生仔先??? 總結是...您比較喜歡女兒.....
吃完海達魚蛋粉就先回家....看完多拉a 夢....
差不多六時....又回家了.....
回到家....我在msn 提醒您....
"您記得您應承o左我...以後都唔會再唔理我...."
