04/oct
今天收工就返左屋企....
一o黎因為尋日o既事....二o黎, 本身已經講好今晚唔會去您度訓....因為聽朝去拜山.....
一返到去....沖涼...訓晏覺......
四點比電話嘈醒....好想係您打比我...
不過唔係, 係公事....
一直來來回回好多通電話....訓唔返....
冇幾耐...哥哥就返o黎....好彩佢冇問我點解會返o左o黎....
今日成日都係咁留意住個電話....最唔鍾意呢種感覺....
十點幾o個時....您msn 我....話我知16號萬豪buffet 已經full晒....
我打左一大篇野比你.....您一直都冇答我......
跟住我就去左訓覺.....如果訓得著...訓覺最好, 因為可以咩都唔駛諗....
12點....您打比我...不過我冇聽....
凌晨1點幾....醒左一次....竟然打左比您....
不過您出緊去....揸緊車....我咩都冇講....(您話您同基出去唔知做乜)
到三點幾, 電話響....原來係子燾.....佢出去飲酒....飲大左.....
打o黎亂講野.....由三點半...講到五點半.....
犀利~咁多年唔講電話...一講講咁耐....仲要係亂up 一通.....
不過都多謝佢....幫我渡過呢個半夜...如果唔係, 我都唔知自己會醒幾多次....
收左線之後, 六點幾...又醒一次.....因為您sent 左一個sms 比我....
叫我唔好離開您...........
05/oct
九點九就起身...準備去拜山.....
好大雨呀....已經唔知幾多年冇試過落雨去拜山
今年仲唔係細細雨...係勁大大大雨....
不過我地都冇改期....照去拜....
因為落雨....好少人.....反而咁樣舒服d...
雖然都好煙(因為冇風, d 煙散唔開)....不過起碼唔駛迫....
拜完....我地一行五人去左華明村間酒樓飲茶....
嘩....真係難食到丫......如果唔係君臨裝修....真係冇可能去呢度食....
不過都好....可以幫我keep fit...唔駛食咁多野....
返到屋企....等媽咪做完d 家務....我地就開始打麻雀.....
嗚嗚....好慘呀....打到最後, 我輸左hkd41...
打完, 食飯都已經9點幾喇.....
沖完涼.....同您msn....
講到您發悔氣....話唔理喇.....結就結.....生bb 就順其自然.....
我覺得好似o係度迫您咁...再迫多您兩迫.....
您就話不如靜下先..........
我又唔想....我唔捨得.............
跟住我要您同我講, 您好愛我....您會守承諾....您會娶我.....
不過, 您冇答.....我就offline............
