morning!
我尋晚唔係玩消失, 我唔舒服, 所以早左訓
不過我都諗過
其實我係咪應該比時間你, 諗下其實我需要o既係d 乜
再等你諗下, 你係咪真係可以為我做o個d 野
先再決定, 其實我地係咪真係適合對方...
兩個人一齊越耐
更珍惜對方係正常
更愛對方係正常
更了解對方係正常
但我唔覺得更平淡係正常
而且身邊好多pair 情侶/夫婦證明比我睇, 咁樣唔係正常
況且, 我地一直已經好平淡
如果再平淡d, 我已經唔知我地會係點
我地除左中間有sex 外, 仲有d 咩係似情侶?
我唔係反對你陪你d fd
你有你d fd, 我有我d fd, 係好正常!
但我會感覺, 我同你d fd o既level 好平等
所以尋日你答我你明, 其實我覺得你一d 都唔明
到底係我要求高左, 定係你已經唔緊張我?
我想你明白, 我今次真係唔想再不了了之
問題一直只會o係度累積
大家都只會唔開心
再係咁落去, 大家都估倒個收尾會係點
